വോഡഫോണ്‍ ഐഡിയ നെറ്റ് വര്‍ക്കില്‍ തകരാര്‍

കോഴിക്കോട്: സംസ്ഥാനത്തുടനീളം വോഡഫോണ്‍ ഐഡിയ (വി) നെറ്റ് വര്‍ക്കുകള്‍ തകരാറിലായതായി റിപ്പോര്‍ട്ട്. വൈകീട്ട് 4.30-ഒടെയാണ് തകരാര്‍ രൂക്ഷമായത്.

കേരളത്തില്‍ എറണാകുളം, തൃശൂര്‍, കോഴിക്കോട്, തിരുവനന്തപുരം എന്നിവിടങ്ങളിലും മുംബൈ, ചെന്നൈ, പുനെ എന്നിവിടങ്ങളിലും പ്രശ്നം രൂക്ഷമാണെന്ന് ഡൗണ്‍ ഡിറ്റക്ടര്‍ വെബ്സൈറ്റ് വ്യക്തമാക്കുന്നു.

രാജ്യത്തിന്റെ വിവിധ മേഖലകളില്‍ ഈ പ്രശ്നം നേരിടുന്നുണ്ടെന്നാണ് വിവരം. നിരവധി ഉപയോക്താക്കള്‍ തങ്ങള്‍ക്ക് നെറ്റ് വര്‍ക്ക് ലഭിക്കുന്നില്ലെന്ന പരാതി ട്വിറ്ററിലൂടെ അറിയിച്ചിട്ടുണ്ട്.
എന്താണ് തകരാറുണ്ടാകാനുള്ള കാരണമെന്ന് വ്യക്തമല്ല. കനത്ത മഴയെ തുടര്‍ന്ന് പൂനെയിലും മഹാരാഷ്ട്രയിലെ മറ്റ് നഗരങ്ങളിലും വി നെറ്റ് വര്‍ക്ക് തകരാറിലായിരുന്നു.