മലയാള മനോരമ പത്തനംതിട്ട സീനിയര്‍ കോ ഓര്‍ഡിനേറ്റിങ് എഡിറ്റര്‍ റോയി ഫിലിപ് അന്തരിച്ചു
കൊച്ചി: മലയാള മനോരമ പത്തനംതിട്ട സീനിയര്‍ കോ ഓര്‍ഡിനേറ്റിങ് എഡിറ്റര്‍ റോയി ഫിലിപ് (58) അന്തരിച്ചു. സംസ്‌കാരം പിന്നീട്. മനോരമയില്‍ 35 വര്‍ഷം സേവനമനുഷ്ഠിച്ച റോയി, കോട്ടയം, കോഴിക്കോട്, തിരുവനന്തപുരം യൂണിറ്റുകളിലും പ്രവര്‍ത്തിച്ചു. പാലക്കാട് കോ ഓര്‍ഡിനേറ്റിങ് എഡിറ്ററുമായിരുന്നു. 2017 മുതല്‍ പത്തനംതിട്ട യൂണിറ്റില്‍ സീനിയര്‍ കോ ഓര്‍ഡിനേറ്റിങ് എഡിറ്ററാണ്. പത്തനംതിട്ട മാര്‍ത്തോമ്മാ എച്ച്എസ്എസ്, കോഴഞ്ചേരി സെന്റ് തോമസ് കോളജ് എന്നിവിടങ്ങളിലായിരുന്നു വിദ്യാഭ്യാസം. എംകോം പഠനത്തിനു ശേഷം 1988ല്‍ മലയാള മനോരമ പത്രാധിപ സമിതിയില്‍ ചേര്‍ന്നു.
പത്തനംതിട്ട പ്രക്കാനം തുണ്ടിയത്ത് പരേതരായ ടി.സി. ഫിലിപ്പോസിന്റെയും (മുന്‍ റെയില്‍വേ ഉദ്യോഗസ്ഥന്‍), കുളത്തൂപ്പുഴ ചന്ദനക്കാവ് പുത്തന്‍പുരയ്ക്കല്‍ ലീലാമ്മയുടെയും മകനാണ്. കുമ്പളാംപൊയ്ക പുതുച്ചിറ ജോ വില്ലയില്‍ പി.ഇ.ഏബ്രഹാമിന്റെ മകള്‍ സൂസനാണു (ജിജ) ഭാര്യ. മക്കള്‍: ആന്‍ റോയി ഫിലിപ് (അസി.മാനേജര്‍, ഫെഡറല്‍ ബാങ്ക്, പുണെ), ഫിലിപ്പ് റോയി (ഐഡിഎഫ്സി ഫസ്റ്റ് ബാങ്ക്, കൊച്ചി). മരുമകന്‍: അരുണ്‍ ചെറിയാന്‍ വര്‍ക്കി (സോഫ്റ്റ്വെയര്‍ എന്‍ജനീയര്‍, സ്ലംബര്‍ഗര്‍, പുണെ). സഹോദരങ്ങള്‍: മോളി ഫിലിപ് (റിട്ട. സിവില്‍ സപ്ലൈസ്, കോട്ടയം), മോഹന്‍ ഫിലിപ് (റിട്ട.എച്ച്ഒഡി, പോളിടെക്‌നിക്, കോട്ടയം).
Your comment?