മുണ്ടപ്പള്ളി ജംഗ്ഷനിലെ പച്ചക്കറി കടയില്‍ മോഷണം

അടൂര്‍: നെല്ലിമുകള്‍ മുണ്ടപ്പള്ളി ജംഗ്ഷനിലെ പച്ചക്കറി കടയില്‍ മോഷണം. ബിനുവിന്റെ ഉടമസ്ഥതയിലുള്ള ഉണ്ണീസ് വെജിറ്റബിള്‍സില്‍ ആണ് മോഷണം നടന്നത് കടയില്‍ സൂക്ഷിച്ചിരുന്ന ഒമ്പതിനായിരത്തോളം രൂപയാണ് നഷ്ടപ്പെട്ടത്. വെള്ളിയാഴ്ച രാവിലെ ബിനു കട തുറക്കാന്‍ എത്തിയപ്പോഴാണ് പൂട്ട് തകര്‍ത്ത നിലയില്‍ കാണപ്പെട്ടത് ഉടന്‍തന്നെ അടൂര്‍ പോലീസില്‍ വിവരമറിയിച്ചു. പകല്‍ സമയങ്ങളില്‍ പെറ്റി ഈടാക്കാന്‍ മാത്രമാണ് പോലീസ് ഈ പ്രദേശങ്ങളില്‍ വരുന്നതെന്നും രാത്രി കാലങ്ങളില്‍ പോലീസ് ഇവിടെയൊക്കെ തിരിഞ്ഞു നോക്കാറില്ലെന്ന് നാട്ടുകാര്‍ പറയുന്നു. അടൂര്‍ എസ് ഐ മനീഷിന്റെ നേതൃത്വത്തിലുള്ള പോലീസ് സംഘം സമീപത്തെ സിസിടിവി ദൃശ്യങ്ങള്‍ പരിശോധിച്ചു.